ஒவ்வொரு நாளும் கணினியின் உபயோகம் பரவலாகிக் கொண்டே வருவதைப் பார்க்கிறோம். இந்த நூற்றாண்டின் மிகப்பெரிய தொழில்நுட்பப் புரட்சியாக இணையம் திகழ்கிறது. தொடக்கத்தில் ஆங்கிலம் மட்டுமே கோலோச்சிவந்த இந்த ஊடகத்தில் இன்று அழகுத் தமிழில் அனைத்தும் காணக் கிடைக்கின்றன. வார இதழ்கள், நாளிதழ்கள் தொடங்கி, பழந்தமிழ் இலக்கியங்கள், சமகால எழுத்தாளர்களின் படைப்புகள் இணையத்தின் வாயிலாக நம் திரைக்கு வந்து நம் வாசிப்புக்குத் தீனி போடுகின்றன. அதிலும் புலம் பெயர்ந்து வாழும் தமிழர்களுக்கு இணையம் ஒரு இன்றியமையாத பிணைப்பை தங்கள் தாய்ச் சமூகத்துடன் ஏற்படுத்திக் கொடுத்திருக்கிறது. வாசிக்க நேரம் போதவில்லை என்று சொல்லும் அளவுக்கு இன்று இணையத்தில் தமிழ்த் தளங்கள் வளர்ந்து வருகின்றன.
அடுத்து, ‘வாசிப்பதெல்லாம் சரி, இது ஒரு வழிப்பாதையாக இருக்கிறதே, வாசிப்பவர்கள் தங்களை வெளிப்படுத்திக்கொள்ளவும் வாய்ப்புக் கிடைக்குமா?’ என்றும் தேடுகிறோம். அந்த வாய்ப்பை மின் மடலாடற்குழுக்கள், இணைய இதழ்கள் போன்ற புதிய வடிவங்கள் ஓரளவுக்கு நமக்கு அளித்தாலும் நம் கற்பனைத்திறனை, படைப்பாற்றலை, எண்ண ஓட்டத்தினை சுதந்திரமாக வெளிப்படுத்த இவை முற்றும் பயன்தரமுடிவதில்லை.
‘என் கவிதையையோ கதையையோ பதிப்பிக்க ஏற்றதா என்பதை எப்படி ஒரு துணை ஆசிரியரோ, உதவியாளரோ தீர்மானிக்க முடியும்? வேண்டும் ஜனநாயகம்! படிப்பவர்கள் சொல்லட்டும், அது படிக்கத் தகுதியானதுதானா என்று’ என்பதுபோல நமக்குள் எண்ணங்கள் எழும்புவதும் இயற்கை. காக்கைக்கே தன் குஞ்சு பொன் குஞ்சு என்னும்போது, நம் எழுத்து நமக்கு காவியம்தான், சத்தியவாக்குதான்.
இதன் இன்னொரு பக்கமும் இருக்கிறது. எழுதுபவர் எண்ணிக்கை அதிகமாகும்போது, யார் இந்தப் படைப்புகளை சேகரிப்பது, தரம் பிரிப்பது, மின் வடிவத்தில் இணையத்தில் ஏற்றுவது, இதற்கெல்லாம் பொறுப்பேற்பது? ஐந்து கட்டுரைகளுடனும் வரும் ஒரு இதழில் ஐம்பது கட்டுரைகள் பதிப்பிக்கமுடியுமா?
இந்தக் கேள்விகளுக்கு விடையளிப்பதுதான், தன் படைப்புகளை தானே இணையத்தில் பதிப்பிக்கும் வசதி. ஆங்கிலத்தில் ப்லாக்கிங் (Blogging) என்றழைக்கப்படும் வலைப்பதித்தல் இன்று தமிழிலும் எளிதில் செய்ய முடிகிறது. உலகம் முழுவதிலும் இன்றைக்கு சுமார் 40 லட்சம் ப்லாக்ஸ் ( இனி நாம் வலைப்பதிவுகள் என்று அழைப்போம்) இருக்கலாம் என்று ஒரு செய்தி சொல்கிறது. இப்போதைக்கு தமிழில் சுமார் 100 வலைப்பதிவுகள் வாசிக்கக் கிடைக்கின்றன. தமிழில் தம் எண்ணங்களை, படைப்புகளைப் பதிக்க ர்வமுள்ள ஒருவர், எந்தப் பெரிய கணினித் தொழில்நுட்ப அறிவும் தேவைப்படாமல், எந்த செலவும் செய்யாமல் இதைச் செய்ய முடியும். ஆர்வமும் உழைப்பும் மட்டும் இருந்தால் போதும்.
உங்கள் எழுத்துக்களை மின்குதிரை மேலேற்றி உலகம் முழுமைக்கும் கொண்டுசெல்லத் தயாராகிவிட்டீர்களா? வாருங்கள், மிக அடிப்படையான கணினி அறிவு, இணையத்தொடர்பு வசதி இவை இரண்டும் மட்டும் உங்களிடம் இருக்குமானால், எப்படி உங்கள் எழுத்துக்களை, எண்ணங்களை பொன்னெழுத்துக்களால் பதிக்க முடியாவிட்டாலும், மின்னெழுத்துக்களால் பதிக்கலாம் என்பதை இங்கு எளிய விளக்கங்களுடன் தெரிந்துகொள்ளலாம்.
இன்னேரம் உங்களுக்குள் சில கேள்விகள் தோன்றியிருக்கவேண்டுமே. இதோ உங்கள் மனதில் கிளம்ப வாய்ப்பிருக்கக்கூடிய கேள்விகளில் சில:
இதற்கெல்லாம் விடை தெரிந்துகொள்ளும் முன் தமிழில் உள்ள வலைப்பதிவுகள் சிலவற்றை நீங்கள் பாருங்கள். இவை இன்னும் வளர்ந்து வரும் வடிவத்தின் முதல் வார்ப்புகள், எனவே இவற்றை எவ்விதத்திலும் உங்கள் கற்பனைக்கோ ஆர்வத்துக்கோ எல்லையாகக் கொள்ளவேண்டியதில்லை. ஒரு புரிதலுக்காக மட்டுமே.
இலக்கிய ஆர்வம் உள்ளவர்கள் கீழ்க்கண்ட பதிவுகளைப் பார்க்கலாம்:
http://nizhalkal.blogspot.com/
http://sundaravadivel.rediffblogs.com/
http://emadal.blogspot.com/
அரசியல், சமூகம் பொருளாதார கருத்துகளுக்கு சில மாதிரிகள்:
http://thoughtsintamil.blogspot.com/
http://writerpara.blogspot.com/
http://www.ntmani.blogspot.com/
அறிவியல், தொழில்நுட்பம், கணினி மென்பொருள் சம்பந்தப்பட்ட விஷயங்களுக்கு:
http://www.tamillinux.org/venkat/myblog/
http://kuruvikal.blogspot.com/
http://aayutham.blogspot.com/
கிண்டல், கேலி, நகைச்சுவைக்கு:
http://peyarili.blogdrive.com/
http://vimosanam.blogdrive.com/
http://idlyvadai.blogspot.com/
ஆன்மிகம், கலாசாரம் சார்ந்த பதிவுகளுக்கு:
http://uyirppu.blogdrive.com/
http://alwar.log.ag/
http://vamadevan.blogdrive.com/
வாழ்க்கை அனுபவங்கள், பயணக்கட்டுரைகள் படிக்க வேண்டுமா?
http://subaonline.blogdrive.com/
http://ninaivu.blogdrive.com/
http://subaillam.blogdrive.com/
இன்னும் பல்சுவையும் கலந்து அளிக்கும் சில பதிவுகளையும் பார்க்கலாம்:
http://etamil.blogspot.com/
http://meenaks.rediffblogs.com/
http://pari.kirukkalgal.com/
இதையெல்லாம் இங்கே கொடுத்ததால் இத்தோடு நின்றுவிடவேண்டியதில்லை. தமிழில் இருக்கும் வலைப்பதிவுகளின் பட்டியலைப் பார்க்க இதோ சுட்டி.
http://tamilblogs.blogspot.com/
இதில் இன்னும் பல வலைப்பதிவுகளையும் காணலாம். இப்போதைக்கு இந்தப் பதிவுகளைப் பார்த்து, படித்து உங்களுக்கு என்ன தோன்றுகிறது என்று சிந்தித்து வையுங்கள். மேற்கொண்டு அடுத்த இதழ்களில் மேலே சொன்ன கேள்விகளுக்கு விடையும், நீங்களே சொந்தமாக வலைப்பதிக்க என்ன செய்யவேண்டும் என்றும் பார்க்கலாம்.
நாங்க ரெடி, நீங்க ரெடியா?
முகப்புப் பக்கத்துக்கு மீள...|அடுத்த பாகத்துக்குச் செல்ல...